Lmentala 16. zk. / nº 16 - 2014ko urtarrila / enero 2014
SAREA GARA
BOMSeko liburutegia: zure iritzia behar dugu. Parte hartu!
Atsegin izango genuke zu ezagutzea, zure beharrak zeintzuk diren jakitea, gure zerbitzua egokitu eta zuretzat erabilgarria egin ahal izateko. Guri laguntzeko eskatzen dizugu, galdeketa labur bati erantzunez (3 minutu besterik ez da izango). Eskerrik asko zure laguntzarengatik.
Liburuzainarekin harremanetan jarri ahal zara posta elektronikoaren helbide honetan:
maria.garciapuentesanchez@osakidetza.net
Erlazionaturiko Loturak
Zamudioko akutuen unitateetan ospitaleraturik daudenen iritzia
Zamudioko Ospitalean ateratako emaitzak horrela laburbil daitezke:
- Erdiak baino gehiago (%70,37) bere gaixotasunaz hobeto edo askoz hobeto daude.
- Erdiek baino gehiagok ere (%55,06) “ontzat” edo “bikaintzat” jotzen dituzte jasotako asistentzia eta espero zuten baino hobea izan da (%52,80).
- Beste alde batetik, aintzat hartzen dituzte, batez ere, tratua (%53,57k) eta osasun arloko pertsonalaren gaitasuna (%27,8k).
- Ospitaleraturik berriro behar izatekotan, hiru laurdenek Zamudio hautatuko lukete.
- Euskarari dagokionez, %14,3 ez dago gogobeterik, gutxi erabiltzen baita.
Erantsitako artxiboan txosten osoa dago ikusgai.
Itziar Villalabeitia
Erlazionaturiko Artxiboak
Osakidetzaren II. Euskara Plana argitaratu da
G.A.
Erlazionaturiko Artxiboak
DBLO, arraioa! Historiara eta txostenetara sartzea
Alde batetik, 2003ko maiatzetik indarrean dagoen pazienteen Autonomiaren Legeak(Ley 41/2002) aitortzen die pazienteei bere osasunaren arloko edozein jardueraren informazio eskuragarri guztia jakiteko eskubidea, Legeak salbuetsitako kasuetan izan ezik . Horrela dio Legeak: “derecho a conocer, con motivo de cualquier actuación en el ámbito de su salud, toda la información disponible sobre la misma, salvando los supuestos
exceptuados por la Ley” (4.1. artik)...
J.L., L.P. y J.Me.
Erlazionaturiko Artxiboak
Erlazionaturiko Loturak
EX CATHEDRA
Patologia dualaren IV. Jardunaldiak
Galdakao-Usansoloko Ospitaleak eta Bizkaiko Osasun Mentaleko Sareak antolatu dituzte, ondokoek lagundurik: Sociedad Española de patología Dual eta Academia de Ciencias Médicas de Bilbao. Denera ia 250 lagunek eman zuten izena.
Bai edukia, bai txostengileen izenak (horien artean BOMSeko lankide asko izan ziren), kontsulta daitezke atxikirik doan egitarauan. Nabarmenduko dugu bereziki Iñigo Lamarca arartekoaren parte hartzea ekitaldiaren amaieran. Hark gogoeta luze bat eta iruzkinak egin zituen osasun mentalaren zerbitzuen eta beharren inguruan, oro har; eta beste batzuei buruz ere, nahasmendu dualei bereziki lotuta agertzen direnei, hain zuzen.
O.M.
Erlazionaturiko Artxiboak
Argazki bilduma
Depresioa: ziurtasun zientifikoa Lehen Mailako Arretaren eta Osasun Mentalaren arteko lankidetza-ereduetan eta esku-hartzeetan
Ikerketa hau egin da Ikerkuntza Komisionaturako Proiektu baten barruan eta horretan parte hartu dute, besteak beste, Ander Retolaza Balsateguik eta Beatriz Garcia Moratallak, BOMSeko profesionalek. Espero dugu ikerlan honen ematzek balio izatea etorkizunean parte-hartze estrategiak ezartzeko, hartutako ziurtasun zientifikoan oinarriturik.
Calderón C, Mosquera I, Balagué L, Retolaza A, Bacigalupe A, Belaunzaran J, Iruin A, García B. Modelos e intervenciones de colaboración entre Atención Primaria y Salud Mental en la atención a los pacientes diagnosticados de depresión: resultados de una meta-revisión. Investigación Comisio¬nada. Departamento de Salud, Gobierno Vasco, Vitoria-Gasteiz. 2013. Informe Osteba D-13-13.
Eusko Jaurlaritzaren Osasun Teknologien Ebaluazioko Zerbitzuaren (Osteba) web orri ofizialean informazio gehiago dago eskuragarri beste txosten batzuei buruz, interesgarriak ere suerta dakizkizuenak.
L.A.
Erlazionaturiko Artxiboak
Erlazionaturiko Loturak
Joko serioak, osasun arloan erabiliak- AFNH
Azaroaren 25etik abenduaren 1a bitartean Bilbon egin zen ekitaldiak biltzar bat ere hartzen du barne eta bertan aurkezten da jokoaren erabilpen “serioa” zenbait arlotan: hezkuntza, marketina, etengabeko prestakuntza, osasuna, eta abar.
Azaroaren 28ko jardunaldian holandar bideojoko bat aurkeztu zen, Arreta Faltak eta Hiperaktibitateak (AFNH) jota dauden neskato-mutikoentzat diseinaturik. Lehenengo saria irabazi zuen osasun arloko serious games-eko atalean. Izena Plan-IT Commander du eta misio batzuk planteatzen ditu, mineral arraroen bila joateko unibertsoko hainbat bazterretara. Jokoaren bitartez ikasten da denbora kudeatzen, eginbeharrak antolatzen eta gizarte jokaera bat garatzen, beste neska-mutilekin taldekako lanak eginez.
Erantsitako artxiboan informazio gehiago dago ikusgai.
M.L.
Erlazionaturiko Artxiboak
TXOKO-BOMS
Futbolak txoratu ez duen psikiatra (Paco Chicharrori elkarrizketa)
Bere hitzetatik argi geratu zaidana da, bizitza honetan nahi dugun guztia lortzeko funtsezko osagaiak hauexek direla: grina tanta batzuk, eta diziplina eta ahalegin tanta ugari. Errezeta honekin gure amets, nahi eta ilusio guztiak eskura ditzakegu.
E.G.
Erlazionaturiko Artxiboak
Argazki bilduma
PERISKOPIOA
Osasun mentalean berritzen: Centro de Intervención Comunitaria del Hospital Universitario Río Hortega
Aurten Valladoliden baliabide interesgarri bat jaio da Rio Hortega Ospitaleko Psikiatria Zerbitzuan: CICa edo Centro de Intervención Comunitaria. Bertara joateko aukera izan dut astean bi aldiz nire errotazio aldian, psikologia klinikoan egiten ari naizen espezializazio-programaren prestakuntzaren barruan.
Berri osoa irakurgai dago erantsitako artxiboan.
Vital Arce
Erlazionaturiko Artxiboak
Erlazionaturiko Loturak
Argazki bilduma
Aldaketak Galdakao-Usansolo Ospitaleko Desintoxikazio / Droga-Menpekotasuneko Unitatean
Kontuan hartuta gure BOMSeko lankide batzuek harreman estua dutela UDErekin haren pazienteak artatzeko, egokia dirudi egitasmoaren laburpena eranstea, unitateak berak egindakoa eta eskuragarri dagoena Osakidetzaren web orrialdean.
Horretan zehazten dira egindako aldaketa batzuk, eremuak eta ikuspegiak batuz, droga-menpekotasunari eta alkoholismoari dagokienez. Aurrekoarekin batera, erakusten dira ospitaleratzeko bideak, jarduteko arauak, eskainitako zerbitzuak eta antolakuntza orokorra. Hori guztia azalpen eta argazki batzuek lagunduta instalazioak nola banatu diren erakusteko.
Barrualdeko Eskualdean, paziente kopuru handiagoa dutenez (alkoholismo diagnostikoak eta beste droga menpekotasun batzuk) bilerak ari dira egiten, egindako aldaketen berri, zehaztasun handiagoarekin emateko.
O.M.
Erlazionaturiko Artxiboak
LEHENENGO PERTSONAN
Kirol arloko saria Barakaldoko Eguneko Ospitalearentzat
Sarituen artean, oraingo honetan, BOMSeko Barakaldoko Eguneko Ospitalea egon da (Barakaldo C.F.z eta tokian tokiko kirol arloko pertsona famatuez gain). Eskerrona eman nahi izan zaio pazienteekin urteetan egin duen errehabilitazio lanarengatik kirolaren bitartez.
Eguneko Ospitaleko talde batzuk astero joaten dira udal igerilekuetara; eta gure futbol taldeak, (bide batez esan behar da denboraldi ederra egiten ari dela), parte hartzen du zentroen arteko urteroko txapelketan. Etxean jolasten duenean Lasesarreko kiroldegiko instalazio bikainetan egiten du. Hemendik gure eskerrona adierazi nahi diogu Alfonsori, bere aparteko laguntzarengatik.
Tokiko telebistaren kazetari ezagun batek aurkeztu zuen ekitaldia eta alkateak berak banatu zituen sariak zinegotzi batzuekin batera, argazkian ikus daitekeenez. Argazkia El Correo egunkariko kirol atalean argitaratu zen hurrengo egunean. Gure taldeko jokalari nabarmen batek, Gabrielek, jaso zuen saria, beste batzuok lagunduta: beste jokalari bat, Javi zentroko monitorea eta entrenatzailea- Valverde txingurria dardarka hasi da dagoeneko- eta ni neu, koordinatzaile gisa. Gero lunch eder batez harrera ona egin ziguten, beraz jaiak ederto hasi genituen…
Hori, bada: zorionak sarituei eta baita Lmentaleko irakurle guztioi, eta AUPA BARAKA, KARAJO!
Jon Lizarraga
Erlazionaturiko Loturak
2013/14ko areto-futboleko zentroen arteko ligako sailkapena
1 BARAKA 12
2 MANUENE 10
3 VITORIA 6
4 DURANGO 6
5 ARGIA 5
6 MONDRAGON 3
7 AVIFES 3
8 ZAMUDIO 1
9 ZALDER 1
10 BILBAO 1
11 ERAGINTZA 0
12 URIBE COSTA 0
Erlazionaturiko Loturak
BAZEN BEHIN
“Establecimiento Balneario de Zaldivar, Bizkaian” (I)
Begirada pixka bat atzerago eramanez, ahanzturatik erreskatatuko dugu beste kazetaritza erreportaje sorta bat, aurretiaz egindakoak. Horiek bainuetxe ospetsu haren berri emango digute, uda garaian aparteko udatiar talde jendetsua erakartzen zuena leku urrunetatik. Horiekin entretenituko gara, bada, aldizkariaren ale batzuetan, eta seguru gaude irakurle estimatuen gozamenerako izango dela.
Aurreneko emanaldi honetan, “aspaldiko La Ilustración Española y Americana”ren ale batetik berreskuraturikoan, 1883ko uztailaren 15ekoan, hain zuzen, testu labur batean ezagutuko ditugu bainuetxearen sorrera, tokian tokiko bitxikeria etimologiko batzuk edo bainularien kopurua, eten gabe handitzen zena, 1882. urtean 1414 bainulari izatera iritsi ziren. Hori guztia grabatu interesgarriez horniturik egongo da, argazki batzuetan oinarriturik, Bilboko S. de Regil jaunarenak; horrela ahalbidetzen baitzuen garaiaren puntako teknologiak. Hala geratuko da jasota beheko aldean ezarritako iragarki sorta bati esker.
O.M.
Erlazionaturiko Artxiboak
ATSEDENALDIA
Daniel no habla (Marti Leimbach. Almuzara)
J.Me.
Erlazionaturiko Artxiboak
KOLABORATZAILEAK
Ale honetan parte hartu dute:
Laura Alonso Pérez (L.A), Garbiñe Apraiz Urigüen, Vital Arce Echevarría, Ainhoa Bilbao Maiza, José M. Díaz Zorrozua (J.D.), José Luis Fidalgo Centeno, María García-Puente Sánchez, Enrique González Arza (E.G.), Jon Lizarraga Sobrino (J.L.), Mónica López Ortiz (M.L.), Inés Lumbreras Sarasibar, Isabel Macías Romero, Óscar Martínez Azumendi (O.M.), Juan Medrano Albéniz (J.Me.), Luis Pacheco Yáñez (L.P.), Javier Peña Bustillo, Itziar Villalabeitia Jiménez.