Lmentala 19. zk. / nº 19 - 2014ko apirila/ abril 2014
SAREA GARA
Agirigune: dokumentuen inbentarioa
Orain BOMSeko intraneten aplikazio berria dugu eskuragarri. Errazten du ohiko agirietara sartzea. Inbentarioa etengabe berrikusi eta eguneratuko da, ekiditeko agiri baztertuak edo ez-adostuak erabiltzea.
Luis Pacheco doktoreak dokumentazioa biltzeko lan zehatza egin ondoren sortu da ekimen hau. Bi lan-taldetan baturik, sarearen honako profesional hauek berrikusi eta osatu zuten lana:
Oscar Martínez, Pedro Muñoz, Conchi Moreno, Alicia Loureiro, Reda Rahmani, Beatriz Rodríguez, Rodrigo Oraa, Lucía Robles, Isabel Martínez eta Adela Sanz.
Aplikazioan bildu dira halaber hainbat agiri eta formatu (Dokumentazio Klinikoko batzordeak onartutakoak), eta baita formularioak ere, arlo ezberdinetakoak: pertsonal saila, arlo ekonomikoa, mantentze-lanen arloa, eta abar…
Sartzeko, “Agirigune” botoia sakatu BOMSeko intraneten; behean dago, eskuinaldean, erantsitako irudietan azaldu bezala.
J.M.
Erlazionaturiko Artxiboak
Ospitaleratzearen ordezko aukeren III. Jardunaldia Barnealdeko Eskualdean
Lehenengo jardunaldia aspaldian egin zen eta helburua izan zen ahalbidetzea eta sustatzea, besteak beste, elkarren ezagutza, orduan eskualde bakarreko egituran sartu berriak ziren eguneko ospitaleetako eta pisuetako lan-taldeen arteko harremana eta elkarlana
Iaz errekuperazioari buruzko praktikak landu genituen eta oraingo honetan begirada berriro zuzentzen dugu harremanen esparrura, baina ikuspuntu ezberdin batetik: harreman terapeutikoa; horrek kokatzen gaitu artatzen ditugun pertsonen ondoan/aurrean.
Estreinako urtetik bezala, jardunaldiak ohiko metodologia erabili du; erraztu nahi ditu pertsonen arteko topaketa eta eztabaida zabala, eta ez horrenbeste eduki teorikoak hedatzea. Azkenik, helburu du halaber, ondorio orokorrak lantzea (erantsitako agirian kontsulta daitezke). Horiek ez dira hartu behar jarraitzeko bide ukaezintzat, baizik eta eztabaidaren aberastasunaren eta sakontasunaren lekuko gisa.
O.M.
Erlazionaturiko Artxiboak
Komunitate-lana sarean Durangotik. Aliantza soziosanitarioak
Lmentalaren ale hau baliatu dugu han aurkezturiko lan bat plazaratzeko, hain zuzen, Durangoko OMZtik egiten den lana: tratamendu oso bat lortzeko, Barrualdeko Eskualdeko zenbait udalerritako zerbitzu eta erakunderekin egiten duten koordinazioa eta baliabideen kudeaketa.
Mari Jose Martínez Pérez
Erlazionaturiko Artxiboak
Osasun komunitarioa: errehabilitazioa komunitatean eta Scalextric-ean oinarrituta
Bermeoko Eguneko Ospitaleko profesionalok bagenekien Amorebieta-Etxanon Scalextric-en instalazioak zeudela. Interesgarria iritzi genion ikustera joateari eta parte hartzeari, jarduera dinamikoa eta dibertigarria baita. Gainera, tokiko gazteek oso atsegin dute eta, hari buruz, kritika onak ere irakur daitezke (Internet, foroak, prentsa,…). Horrekin batera, komunitatea aztertu ahal da eta aukera ematen du ezohiko jarduerak egiteko (museoei bisitaldiak, erakusketak, paseoak, zinema,…).
Gero irteera bat antolatu genuen elkarrekin Euskalextric izeneko klubera. Bide batez, eskertu nahi dugu haiek egindako abegi ona eta emandako erraztasunak euren instalazioak erabiltzeko.
David Domingo, Carmen Devesa, Elena Ayneto
Erlazionaturiko Artxiboak
Erlazionaturiko Loturak
Argazki bilduma
Mezu seguru bat hilero. Apirila: urrezko bost arau instalazio elektrikoetan
Argazki bilduma
DPBLO arraioa! (9). Erizaintzako kontsultako kasu klinikoa (III)
Pazientearen azken hitzorduan, hitzordu horretarako programatutako zereginak egin ditu: medikazioa, aldagaiak hartu, aurreko hitzorduan adostutako aisialdian egiteko zereginak aztertu. Elkarrizketan, halako batean pazienteak dio “ oso haserre nago nire anaiarekin, ezin dut jasan; berriro ikusten dudanean, hil egingo dut …
A,F, J.L, E.G.
Erlazionaturiko Artxiboak
Erlazionaturiko Loturak
EX CATHEDRA
BOMSek “Congreso Nacional de Atención Sanitaria al Paciente Crónico”-en Komunikazio Onen Saria irabazi du
Oraingo honetan, BOMSek parte hartu zuen eta “PROGRAMA PARA LA MEJORA DE LA SALUD FÍSICA DE LAS PERSONAS CON TRASTORNO MENTAL GRAVE ATENDIDOS EN DISPOSITIVOS COMUNITARIOS DE LA RED DE SALUD MENTAL DE BIZKAIA” izeneko ahozko komunikazioa aurkeztu zuen.
Programa honetan, ondo dakizuenez, “Cribado de patologia orgánica asociada” eta “Ondo Bizi” programak integratzen dira.
Pozik gaude Kongresuaren Komunikazio Onen Saria irabazi dugulako, eta horregaitik, zuekin konpartitu nahi dugu.
Sari hau aitorpen handia da proiektu honetan parte hartu duzuen profesionalek egindako lan bikainarentzat, bai diseinuan eta ezarpenean, bai jarraipenenean eta ebaluazioan ... eta bultzada handia ildo honetan lanean jarraitzeko!
ZORIONAK GUZTIOI!!
Ana Rodríguez Iturrizar.
Erlazionaturiko Artxiboak
-
Póster programa mejora salud fisica TMG RSMB - Comunicación oral del programa de mejora de salud física
- Programa del Congreso
Argazki bilduma
Bizkaiko Osasun Mentaleko egoiliarren XVII. urteroko jardunaldia
Gonbidaturiko aurkezpenei dagokienez, jardunaldia hasi zen Francisco Chicharro Lezcanok egindakoarekin. Horretan nabarmendu zituen osasun mentalaren alde historikoak, gogoetak, esperientziak eta, etorkizunari begira, dauden ikusmoldeak; horiekin batera, aipatu zuen, halaber, nola sortu ziren espezialitateak, berariaz egindakoak, osasun mentaleko egoiliarrentzat.
Ixteko hitzaldia Jesus Garcia Bravok, Zamudioko psikiatrak, eman zuen. Originala izan zen (eskertu nahi diogu, bereziki, agiria gure eskura jarri izana), horretan azpimarratu zuen arduraren garrantzia, eta bere esker ona eman zigun mota honetako lanbideak aukeratzeagatik. Argi dago hori oinarrituta dagoela berak egindako urte askoko ibilbide profesionalean.
Eta gainerako edukien berri zabalagoa izateko, Bizkaiko egoiliarrek egindakoak eta aurkeztuak, kontsulta daiteke erantsitako artxiboa.
Vital Arce
Erlazionaturiko Artxiboak
Argazki bilduma
Alejandriatik: MyAthens, baliabide bibliografikoak etxetik kontsultatzeko
María García Puente
Erlazionaturiko Artxiboak
Deustuko Unibertsitateak saria eman dio Grupo Santanderren RAHACOP proiektuari
REHACOP-ek eraginkortasuna erakutsi du buruko gaixotasunari aurre egiteko orduan: sintoma kognitiboei, funtzionalei eta negatiboei dagokienez.
Askok jakingo duzuenez, BOMSeko hainbat zentrok eta zerbitzuk parte hartu dute tresna hau gidatzeko lanetan. Bi prestakuntza-tailer egin dira sareko profesionalei zuzenduta, eta gaur egun ezartzen ari da sareko ospitaleetako errehabilitazio unitateetan eguneroko arreta klinikoan, eta baita zenbait eguneko ospitaletan ere.
Esan beharra dago REHACOP programak errekonozimendu eta argitalpen batzuk sortu dituela dagoeneko, 3 artikulu barne, itzal handiko nazioarteko aldizkarietan (esate baterako, Schizophrenia Bulletinean). Programa erabiltzen da jadanik Mexikon, Kolonbian eta Argentinan, eta itzultzen eta egokitzen ari da beste batzuetan ere ezartzeko: Estatu Batuak, Portugal eta Polonia. Beste sari batzuk ere bereganatu ditu: Premio Nacional de Investigación izenekoa, Sociedad Española de Psiquiatría y Salud Mental-ak emanda, eskizofreniaren arloan garatu den lanarengatik; eta beste alde batetik, 2013an Osakidetzaren Lehengo Saria honako izenarekin:“1º Premio a la Innovación de Calidad y Mejora en el Trabajo”, REHACOP programaren erabilpen klinikoa kontuan hartuta.
J.J. Uriarte
Erlazionaturiko Loturak
Erizaintzako Praktika Onei Burzko Jardunaldia
Carlos Sola Arreta Sanitarioko zuzendariordeak eman zuen hasiera. Ekitaldira erizaintzako 200 bat langile hurbildu ziren.
Eva Balanzategik eta Nicolasa Garciak, Zaldibarko Ospitaleko gainbegiraleek, komunikazio batean parte hartu zuten: “Gestión fármaco-terapéutica en las unidades asistenciales hospitalarias de la RSMB”. Komunikazioan azaldu zituzten gure erakundean -jakinarazitako gorabeheren ikerketa egin eta gero, edo BOMSeko segurtasuneko taldeek proposatu eta gero- pazientearen segurtasuna hobetzeko abian jarritako ekintzak. Lehenengo BOMSeko Segurtasun Plana, segurtasuneko antolamendu egitura eta gorabeheren kudeaketa azaldu zuten, eta amaieran proposatutako hobekuntza-ekintzak eta berauek zabaltzeko estrategia jorratu zituzten.
Aurkezpen osoa eranskinean ikus dezakezue.
Erlazionaturiko Artxiboak
Argazki bilduma
TXOKO-BOMS
Elkarrizketa Pedro Muñozi
Gaur egun, ardoa jaki bat baino gehiago da, eta bere elaborazioaren atzean gero eta pertsona gehiago batzen dituen kultura itzela dago; are gehiago esango nuke, gero eta pertsona gehiago ari dira milaka urteko produktua sortu zuen lurraren esentziaren bila.
Zortea dugu gure artean baitugu gai horretan oso aditua den lankidea, Pedro Muñoz. Pedrok Ortuellako OMZ-n egiten du lan; plazer eta jakinduriaz beteriko mundu baten giltzarriak eskainiko dizkigu.
E.G.
Erlazionaturiko Artxiboak
Erlazionaturiko Loturak
PERISKOPIOA
Hemerotekako sagua. 2014ko martxoa
Martxoko artikuluak honako hauek dira (edizioa itxi arte):
M.L.
Erlazionaturiko Artxiboak
LEHENENGO PERTSONAN
Torradak Ermuko Eguneko Ospitalean
Azaldu digutenez, horietako batzuk edulkoratzailez prestaturik daude eta badirudi horiexek izan zirela gozoenak. “Ondo bizi” hura eta horren irakaspenak agerian gera daitezela!
Egia esan, ez dute batere itxura txarrik.
O.M.
2013/14ko areto-futboleko zentroen arteko ligako sailkapena
Equipo Puntos
1 BARAKA 27
2 DURANGO19
3 VITORIA 18
4 MANUENE16
5 MONDRAGON 15
6 BILBAO 10
7 ARGIA 9
8 AVIFES 6
9 ERAGINTZA 3
10 ZAMUDIO 1
10 ZALDER 1
12 URIBE COSTA 0
Erlazionaturiko Loturak
BAZEN BEHIN
Zaldivarreko bainuetxea (IV)
Bainuetxearen deskribapenak ez digu ezer berririk ekartzen, aurreko aleetatik ezaguna baitugu. Baina, abiadura handiko trenarekin horren nahasturik gabiltzan oraingo honetan, deigarria egingo zaigu, beste aipu hori: Donostia eta Bilbao lotzen zuen beste AHTarena. Bidaia 4 orduan baino gutxiagoan egiten zuen! eta Zaldibar ia erdibide batean zegoenez gero, Madril hurbilago geratzen zen, burdinbidearen laguntzaz, berdin-berdin bi hiriburuetatik.
Eta aukeraz baliaturik, iragarki batzuk ere erantsiko ditugu, XX. mende urrun horren hasierakoak, aipatutako orriaren testuaren lagungarri gisa.
O.M.
Erlazionaturiko Artxiboak
ATSEDENALDIA
Prentsa surfean
Lmentalaren ale honetan, honetaz hitz egingo dizuegu: musuak ematea zein ona den; gero eta gehiago erasotzen gaituen teknologiaz; bizikleta erabiltzea zerga-pizgarri izateaz; guraso “txarrez” eta Paco de Lucia Bizkaiarekin zuen loturaz. Zuen gustukoa izatea espero dugu.
Rosi Domínguez
Erlazionaturiko Artxiboak
Erlazionaturiko Loturak
-
Paco de Lucia - Musua
- wwwaren 25. urteurrena
- Interneten erabilera
- Bizikletak
- Santiaguito
- Alabaren jagoletza kendu
- Alabaren jagoletza kendu
Homer y Langley
Nagusiaren itsutasunak bion bizimodua baldintzatu zuen. Izan ere, Langley-k bizitza eman zuen Homer artatzen, eta egindako zainketak handiak bezain bitxiak suertatu ziren. Etxetzarra gotorleku baten itxura hartzen joan zen. Bertatik ia inoiz ez ziren irteten eta hamarkadetan zehar denetariko ondasunak eta zarama bildu zituzten; besteak beste, New Yorken argitara emandako egunkari guztiak 30 urtean zehar. Kontuan hartzen badugu egunero 15 goiburu zirela, ondorio gisa aterako dugu Langley-k 200.000 ale gorde zuela bere anaiak irakurtzeko eta eguneratzeko ikusmena berreskuratu orduko. Eta Homerrek ikusmena berreskuratzeko 100 laranja inguru ematen zion astero, sendatzeko bidea horixe zelakoan.
J.Me
Erlazionaturiko Artxiboak
Zoroen eta zoro-zaintzaileen txisteak haurrei eta gazteei zuzendutako prentsan. (III) Almanaque de locos, 1948, 2. zatia
O.M.
Erlazionaturiko Artxiboak
KOLABORATZAILEAK
Ale honetan parte hartu dute:
Garbiñe Apraiz Urigüen Vital Arce Echevarría, Elena Ayneto Pardina, Arrate Azkarraga Bilbao, Ainhoa Bilbao Maiza, Carmen Devesa Pardo, José M. Díaz Zorrozua (J.D.), David Domingo Pagay, Rosi Domínguez Casado, Ana Fernández Cagigas (A.F.), José Luis Fidalgo Centeno, María García-Puente Sánchez, Enrique González Arza (E.G.), , Jon Lizarraga Sobrino (J.L.), Mónica López Ortiz (M.L.), Isabel Macías Romero, Óscar Martínez Azumendi (O.M.), Josune Martínez Magunacelaya (J.M.), Mª Jose Martínez Pérez, Juan Medrano Albéniz (J.Me.), Pedro Muñoz Domínguez, Ana Rodríguez Iturrizar (A.R.), Jose J. Uriarte Uriarte.