Bizkaiko Osasun Mentaleko Sareak komunikabideetan duen presentzia indartu du
Bizkaiko Osasun Mentaleko Sareko profesionalek irrati-uhinetara eramaten dute osasun mentala.
Bizkaiko Osasun Mentaleko Sareko profesionalek egiten duten lanak presentzia izaten jarraitzen du komunikabideetan, eta herritarrei osasun mentaleko arretaren errealitatea eta gure erakundeko hainbat eremutan egiten den lana hurbiltzen laguntzen die.
Azken asteetan, Sareko hainbat profesionalek irrati-elkarrizketetan parte hartu dute, esperientziak partekatzeko, osasun mentalari ikusgarritasuna emateko eta gure zentro eta zerbitzuetan egiten den laguntza- eta kudeaketa-lanari balioa emateko.
Osasun Mentaleko Erizaintzaren Munduko Eguna zela eta, gure lankide Elisa Fraile Garcíak, Bermeoko Ospitaleko 4. Errehabilitazio Unitateko gainbegiraleak, Onda Ceroko “Más de Uno Bizkaia” programan parte hartu zuen, eta osasun mentalean espezializatutako erizaintza-lanaren garrantzia partekatu zuen.
Bestalde, Izaskun Elortegi Kaiero gure zuzendari-gerentea Radio Euskadiko “Boulevard” saioan elkarrizketatu zuten. Bertan, Bizkaiko Osasun Mentaleko Sarearen jarduerarekin eta erronkekin lotutako hainbat alderdi jorratu ahal izan zituen.
Era berean, Ezkerraldea Eskualdeko buru Virxinia Angosto Barrosek SER kateko “Hoy por Hoy Bizkaia” programan parte hartu zuen, Osakidetzako beste profesional batzuekin batera, Zallako AKE-an egindako lanarekin eta gure inguruko osasun-arretarekin lotutako esperientziak partekatuz.
