BOMSek urteroko lan-topaketa egingo du HOST Euskadirekin BPSO® programaren baitan

Joan den astelehenean, urriak 19, Bizkaiko Osasun Mentaleko Sareak (BOMS) HOST Euskadiko Marian Cidoncha eta Lucía Garateren bisita jaso zuen, BPSO® (Zainketen Bikaintasunarekin Konprometitutako Zentroak) programaren lan- eta jarraipen-topaketaren testuinguruan. Bileran zehar, lan-mahaiak egin ziren Jardunbide Egokien Gida (JEG) bakoitzarekin.

Mahai horietan, taldeek aurrerapenak partekatu zituzten, ezarpenaren egungo egoera baloratu zuten eta hurrengo erronkak eta sendotzen jarraitzeko jardun-ildoak identifikatu zituzten.

Topaketan, jasangarritasunaren hirugarren fasearen hasierari eskaini zitzaion arreta berezia. Fase horren ezaugarria JEGen hedapena eta sendotzea da.Testuinguru horretan, “Pertsona eta familia ardatz dituzten zainketak” JEGa, lehenagotik  komunitarioko eguneko ospitaleetan ezarrita zegoena, Bermeoko, Zaldibarko eta Zamudioko ospitaleetako errehabilitazioko hiru unitatetan hedatzen jarraitzen dugu. Bestalde, “Segurtasuna sustatu: euspen mekanikoaren ordezko aukerak” JEGaren hedapena egiteko dago bi ospitale-unitatetan; hori burutzeak ezarpena hiru ospitaleetako ospitalizazio-unitate guztietan betetzea ekarriko du. Era berean, TAK eta Lehenak zerbitzuetan “Krisialdian esku-hartzea” JEGa sendotzeko lanean jarraitzen da.

Aurrerapen horiek BOMSek etengabeko hobekuntzarekin, segurtasunarekin eta zainketen kalitatearekin duen konpromisoa islatzen dute, pertsona ardatz duen eta errekuperatzera bideratuta dagoen ikuspegi batetik.